ការប៉ះទង្គិចនៅលើទីលានហ្វឹកហាត់បានធ្វើឲ្យប្រធានក្រុម Arsenal លោក Martin Odegaard មិនមានលទ្ធភាពគ្រប់គ្រាន់ក្នុងការចូលរួមការប្រកួតនោះឡើយ។
យោងតាមកាសែត Daily Mail បានឱ្យដឹងថា Odegaard ត្រូវបានបង្ខំឱ្យនៅក្រៅទីលាន ដោយសារការភ័យខ្លាចថាគាត់ទទួលរងការប៉ះទង្គិចនៅក្នុងការហ្វឹកហាត់ បន្ទាប់ពីត្រូវមួយបាល់ចំកណ្តាលមុខ។ កីឡាករអន្តរជាតិន័រវេសបានខកខានការប្រកួតជាមួយក្រុម Newcastle, Sevilla និង Burnley ជាបន្តបន្ទាប់ដោយសារការភ័យព្រួយសម្រាប់ការប៉ះទង្គិច។ Odegaard ក៏នឹងត្រូវអវត្តមានក្នុងការប្រកួតជម្រុះ Euro 2024 របស់ប្រទេសន័រវេស ក្នុងអំឡុងពេលសម្រាកអន្តរជាតិ បើទោះបីជាអវត្តមានរបស់គាត់ត្រូវបានដាក់បញ្ចូលថាជារបួសត្រគាកក៏ដោយ។
Arsenal កំពុងរំពឹងឱ្យប្រធានក្រុមរបស់ពួកគេត្រលប់មកវិញឱ្យបានឆាប់តាមដែលអាចធ្វើទៅបាន ហើយគេសង្ឃឹមថាគាត់នឹងត្រលប់មកវិញក្រោយពេលសម្រាកអន្តរជាតិ។ ក្នុងអំឡុងពេលសម្រាកពីរសប្តាហ៍ Thomas Partey, Ben White, Cedric Soares, Gabriel Jesus និង Emile Smith Rowe ស្ថិតក្នុងចំណោមកីឡាករមួយចំនួនទៀតដែលមានរបួសដែល Arteta នឹងសង្ឃឹមថាអាចជាសះស្បើយទាន់ពេលសម្រាប់ការប្រកួតទល់នឹង Brentford៕
