Luis Diaz បានធ្វើដំណើរជាមួយ Liverpool សម្រាប់ការប្រកួត Europa League របស់ពួកគេទល់នឹងក្រុម Toulouse ខណៈដែលគាត់រង់ចាំការដោះលែងឪពុកដែលត្រូវបានចាប់ជំរិតជាងមួយសប្តាហ៍មកនេះ។
កីឡាករសញ្ជាតិកូឡុំប៊ីបានឃើញឪពុករបស់គេ លោក Luis Manuel Diaz ត្រូវបានចាប់ខ្លួនដោយក្រុមឆ្វេងនិយមជាតិរំដោះជាតិ ដែលត្រូវបានស្គាល់ខ្លីៗថាជាក្រុម ELN នៅថ្ងៃទី 28 ខែតុលា។ ម្ដាយរបស់ Diaz ក៏ជាប់ពាក់ព័ន្ធនឹងទុក្ខលំបាកនោះដែរ ប៉ុន្តែគាត់ត្រូវបានគេជួយសង្គ្រោះរួចមកហើយ។ ELN បានសន្យាថានឹងអនុញ្ញាតឱ្យលោក Diaz មានសេរីភាពវិញ ប៉ុន្តែជម្លោះដ៏រ៉ាំរ៉ៃជាមួយរដ្ឋាភិបាលកូឡុំប៊ីកំពុងពន្យារពេលដំណើរការនីតិវិធី។
ខណៈពេលដែលមានការរំខានជាច្រើនក្នុងជីវិតផ្ទាល់ខ្លួនរបស់គាត់ Diaz នឹងចូលរួមនៅពេលដែល Liverpool ធ្វើដំណើរទៅកាន់ប្រទេសបារាំងដើម្បីទៅលេងការប្រកួត Europa League របស់ខ្លួនទល់នឹង Toulouse។ គួររំលឹកផងដែរថា គាត់បានដើរចេញពីកៅអីបម្រុងដើម្បីរកគ្រាប់បាល់តាមស្មើសម្រាប់ក្រុមហង្សក្រហមក្នុងការប្រកួត Premier League ចុងក្រោយរបស់ពួកគេជាមួយ Luton ដោយថែមទាំងបានផ្ញើរជាសារយ៉ាងរំជួលចិត្តមួយទៅដល់ឪពុករបស់ខ្លួនថែមទៀត៕
