ម៉ាស៊ីនរកគ្រាប់បាល់របស់មេឃខៀវ Manchester City ពោលគឺកីឡាករ Erling Haaland បានអបអរសាទរ Lionel Messi បន្ទាប់ពីតារាអាហ្សង់ទីនបានឈ្នះពានរង្វាន់ Ballon d’Or លើកទីប្រាំបីរបស់គាត់កាលពីថ្ងៃចន្ទកន្លងទៅ។
ម៉ាស៊ីនស៊ុត Haaland បានផ្ញើសារអបអរសាទរដល់ Messi បើទោះបីជាបាត់បង់ឱកាសលើកពាន Ballon d’Or ដោយសារ Messi នៅទីក្រុងប៉ារីសកាលពីថ្ងៃចន្ទក៏ដោយ។ ខ្សែប្រយុទ្ធន័រវេសបានចែករំលែកការបង្ហោះនៅលើ Instagram របស់ Messi ជាមួយនឹងបាល់មាអំពីរឿងរបស់គាត់ ហើយបានសរសេរថា “Felicitaciones @LEOMESSI” ដែលបកប្រែថាមកថា “អបអរសាទរ”។
ទោះបីជាស៊ុតបញ្ចូលទីបាន 52 គ្រាប់យ៉ាងអស្ចារ្យនៅគ្រប់ការប្រកួតទាំងអស់ និងឈ្នះពានរង្វាន់បីជាមួយក្រុម Man City ក៏ដោយក៏ Haaland បានឈរនៅលេខ 2 តាមពីក្រោយកីឡាករវ័យ 36 ឆ្នាំរូបនេះដែលជាតួសំខាន់មួយរូបក្នុងការដឹកនាំអាហ្សង់ទីនឱ្យឈ្នះពានរង្វាន់ World Cup នៅកាតាកាលពីឆ្នាំមុន៕
