គ្រូបង្វឹកក្រុម Arsenal លោក Mikel Arteta បានលើកឡើងថា Martin Odegaard មានរបួសបន្តិចបន្តួច ខណៈដែលគាត់បានពន្យល់ពីការអវត្តមានរបស់ប្រធានក្រុមពីការប្រកួតកាលពីចុងសប្តាហ៍។
Odegaard មិនបានចូលរួមក្នុងការទទួលជ័យជម្នះ 5-0 របស់ Arsenal ទល់នឹង Sheffield United ក្នុងក្របខ័ណ្ឌ Premier League កាលពីយប់ថ្ងៃសៅរ៍នោះទេ។ កីឡាករសញ្ជាតិន័រវេសគឺជាជម្រើសដំបូងជានិច្ចរបស់ Arteta នៅរដូវកាលនេះ ដោយមានតែ Ben White និង William Saliba ប៉ុណ្ណោះដែលលេងបានប៉ុន្មាននាទីច្រើនជាងរូបគេមុនការប្រកួតនៅកីឡដ្ឋាន Emirates កន្លងទៅ។ អវត្តមានរបស់គាត់កាលពីថ្ងៃសៅរ៍បានធ្វើឱ្យមានការព្រួយបារម្ភអំពីរបួស ហើយ Arteta បានផ្តល់ព័ត៌មានថ្មីៗអំពីស្ថានភាពរបស់គាត់។
និយាយនៅក្នុងសន្និសីទសារព័ត៌មានក្រោយចប់ការប្រកួត គ្រូបង្វឹកសញ្ជាតិអេស្ប៉ាញរូបនេះបានទម្លាយថា ” Martin មានរបួសបន្តិចបន្តួចដែរ ហើយមិនសះស្បើយគ្រប់គ្រាន់សម្រាប់ការប្រកួតឡើយ។ ដូច្នេះយើងមានកីឡាករដែលមានសមត្ថភាពអស្ចារ្យ ហើយយើងត្រូវតែជឿជាក់លើពួកគេ ហើយយើងជឿថាវាជាថ្ងៃត្រឹមត្រូវដើម្បីធ្វើរឿងនេះ”៕
