អ្នកចាត់ការក្រុម Tottenham លោក Ange Postecoglou មានការភ្ញាក់ផ្អើលយ៉ាងខ្លាំងចំពោះ ភាពធន់ដែលក្រុមរបស់គាត់បានបង្ហាញនៅលើផ្លូវរបស់ពួកគេទៅកាន់កំពូលនៃក្របខ័ណ្ឌ Premier League ។
គ្រូបង្វឹកសញ្ជាតិអូស្ត្រាលីរូបនេះបានដឹកនាំការផ្លាស់ប្តូរដ៏អស្ចារ្យចាប់តាំងពីបានចូលកាន់តំណែងជាគ្រូបង្វឹករបស់ Tottenham កាលពីរដូវក្តៅ។ បន្ទាប់ពីការប្រកួតចំនួន 8 ក្រុមរបស់គាត់បានឈរនៅលើកំពូលតារាង នាំមុខក្រុម Arsenal នៅលើគ្រាប់បាល់ស៊ុតបញ្ចូលទី ហើយនៅតែមិនស្គាល់រសជាតិចាញ់សូម្បីតែម្តងនៅក្នុងលីក។ បន្ទាប់ពីបានបញ្ចប់ក្នុងចំណាត់ថ្នាក់លេខ 8 ក្នុងក្របខ័ណ្ឌ Premier League កាលពីរដូវកាលមុន Spurs បានគ្រប់គ្រងការឡើងទៅកាន់កំពូលតារាងបើទោះបីជាបាត់បង់ខ្សែប្រយុទ្ធ Harry Kane ទៅកាន់ក្រុម Bayern Munich មុនពេលយុទ្ធនាការបច្ចុប្បន្នចាប់ផ្តើមក៏ដោយ។
ប្រាប់ទៅកាន់ Sky Sport លោក Ange បានឲ្យដឹងថា “នៅពេលនេះយើងកំពុងរក្សាលំនឹងបានយ៉ាងល្អ ប៉ុន្តែខ្ញុំនៅតែគិតថា នៅពេលដែលយើងក្លាយជាក្រុមដែលយើងចង់បាន មានការកែប្រែជាច្រើនដែលយើងត្រូវតែអភិវឌ្ឍ ជាពិសេសនៅតំបន់ប្រយុទ្ធខាងលើ។ នៅពេលអ្នកនិយាយអំពីការផ្លាស់ប្តូរ យើងមានកីឡាករថ្មីជាច្រើននៅក្នុងក្លឹប អ្នកគ្រប់គ្រងថ្មី របៀបលេងថ្មី ការផ្លាស់ប្តូរប្រភេទនោះតែងតែចំណាយពេលមួយចំនួន”៕
