Toni Kroos បានទទូចថាគាត់មិនមានចំណាប់អារម្មណ៍ក្នុងការឈ្នះ Ballon d’Or នៅ Real Madrid ទេ ដោយសារគាត់រក្សាជំហររបស់ខ្លួនថាពានរង្វាន់បុគ្គលគឺមិនមានសារសំខាន់សម្រាប់រូបគាត់នោះឡើយ។
ទោះបីជា Kroos លេងឱ្យក្លឹបដែលបានបង្កើតអ្នកឈ្នះពានរង្វាន់ Ballon d’Or ជាច្រើន រួមមានដូចជា Cristiano Ronaldo, Luka Modric និង Karim Benzema ក៏ដោយ ក៏គាត់ទទូចថាគាត់មិនមានចំណាប់អារម្មណ៍ក្នុងការឈ្នះ Ballon d’Or ទេ ហើយគាត់មិនចាំបាច់ត្រូវការពានរង្វាន់បុគ្គល ដើម្បីលេងបានល្អនៅក្នុងកីឡាជាក្រុមឡើយ។
គាត់បាននិយាយនៅលើ podcast របស់គាត់ផ្ទាល់ថា “គំនិតរបស់ខ្ញុំគឺថាពានរង្វាន់បុគ្គលគឺជារឿងដែលមិនចាំបាច់នៅក្នុងកីឡាជាក្រុម។ ខ្ញុំតែងតែនិយាយបែបនេះ ហើយខ្ញុំឈរនៅលើជំហរនេះជានិច្ច។ គ្មានកីឡាករណាម្នាក់ឈ្នះអ្វីដោយខ្លួនឯងឡើយ។ វាជារបស់ដែលមានកិត្យានុភាព ប៉ុន្តែមិនសំខាន់ប៉ុន្មានទេ នោះជាភាពខុសគ្នាដ៏ធំមួយ។ គំនិតរបស់ខ្ញុំគឺសាមញ្ញថា ខ្ញុំមិនយល់ថាវាសំខាន់ ឬមិនសំខាន់ដូចអ្នកលេងផ្សេងទៀត ព្រោះគ្មានកីឡាករណាម្នាក់ឈ្នះអ្វីដោយខ្លួនឯងឡើយ”៕
