ការវិភាគប្រឆាំងដែលបានធ្វើឡើងលើការធ្វើតេស្តសារធាតុញៀនដែលបរាជ័យដោយខ្សែបម្រើ Paul Pogba របស់ Juventus កាលពីខែសីហា ក៏ត្រលប់មកវិញជាមួយលត្ធផលវិជ្ជមានដដែល ដែលនេះអាចបង្កជាគ្រោះថ្នាក់មួយសម្រាប់អាជីពរបស់ Pogba។
កីឡាករក្រុមជម្រើសជាតិបារាំងដំបូងគេបានធ្វើតេស្តវិជ្ជមានចំពោះការកើនឡើងនៃកម្រិតអ័រម៉ូន testosterone បន្ទាប់ពីការប្រកួត Serie A ទល់នឹង Udinese កាលពីថ្ងៃទី 20 ខែសីហា។ គាត់បានចំណាយពេល 90 នាទីនៅលើកៅអីបម្រុងនៅថ្ងៃនោះ ប៉ុន្តែត្រូវបានហៅឱ្យធ្វើតេស្តដើម្បីបញ្ជាក់ឲ្យច្បាស់។ Pogba ត្រូវបានព្យួរឈ្មោះមិនកំណត់កាលវេលាចាប់តាំងពីពេលនោះមក ដោយភាគីទាំងអស់កំពុងរង់ចាំលទ្ធផលនៃការវិភាគលើគំរូទីពីរ។
នោះក៏បានត្រលប់មកវិញនូវភាពវិជ្ជមានផងដែរ ទោះបីជាមិនមែនសម្រាប់អ័រម៉ូនតេស្តូស្តេរ៉ូនក៏ដោយ មានន័យថាការសម្រេចចិត្តធំៗមួយចំនួនឥឡូវនេះត្រូវធ្វើលើអនាគតរបស់បុរសអាយុ 30 ឆ្នាំ។ គួររំលឹកផងដែរថា Pogba ស្ថិតក្រោមកិច្ចសន្យាជាមួយ Juventus រហូតដល់រដូវក្តៅឆ្នាំ 2025។ Pogba ត្រូវបានគេនិយាយថាកំពុងទទួលបានប្រាក់ពលកម្ម 7 លានអឺរ៉ូ ក្នុងមួយឆ្នាំ ប៉ុន្តែកិច្ចព្រមព្រៀងនោះអាចនឹងត្រូវលុបចោល ប្រសិនបើគាត់ត្រូវបានគេរកឃើញថាមានពិរុទ្ធពីបទបំពានសារធាតុញៀននៅឯការកាត់ក្តី ហើយត្រូវបានជាប់បម្រាមរយៈពេលយូរថែមទៀតផង៕
