ការចាប់ផ្តើមរដូវកាលដែលមិនទាន់ស្គាល់ពាក្យឈ្នះរបស់ Sheffield United បានបន្ត ហើយអ្នកចាត់ការ Paul Heckingbottom មិនសប្បាយចិត្តទាល់តែសោះជាមួយនឹងការសម្រេចចិត្តរបស់មន្ត្រីអាជ្ញាកណ្តាល។
គ្រូបង្វឹកក្រុម Sheffield United លោក Paul Heckingbottom មានការខឹងសម្បារចំពោះមន្ត្រីអាជ្ញាកណ្តាលបន្ទាប់ពីក្រុមរបស់គាត់បានចាញ់ក្រុម Tottenham ក្នុងការប្រកួតដ៏គួរឱ្យភ្ញាក់ផ្អើលមួយនៅភាគខាងជើងទីក្រុងឡុងដ៍ដោយលទ្ធផល 2-1 ក្នុងម៉ោងបន្ថែម បន្ទាប់ពីបាននាំមុខតាមរយៈការស៊ុតរបស់កីឡាករ Gustavo Hamer។ យ៉ាងណាមិញ គ្រាប់បាល់ចុងម៉ោងចំនួនពីរបានរក្សាបានបីពិន្ទុសម្រាប់ក្រុម Tottenham ខណៈដែល Sheffield United ក៏បានឃើញកីឡាករ Oli McBurnie ទទួលបានកាតក្រហម ដេញចេញពីការប្រកួតផងដែរ។
និយាយទៅកាន់ BBC Sport ក្រោយចប់ការប្រកួត លោក Heckingbottom បានទម្លាយឲ្យដឹងថា “ខ្ញុំដឹងថា Spur យកឈ្នះការប្រកួតបាល់ទាត់ ប៉ុន្តែខ្ញុំមានការងឿងឆ្ងល់ជាមួយអាជ្ញាកណ្តាល។ គាត់ព្យាយាមគ្រប់គ្រងរបៀបដែលអ្នកចាំទីរបស់យើងលេង។ យើងឃើញវាតាំងពីនាទីទីមួយមួយ នៅសុខៗអ្នកចាំទីទទួលបានកាតលឿងដោយសារមកយកបាល់លេងនៅក្រៅប្រអប់ ហើយត្រូវបានគម្រាមថានឹងទទួលបានកាតលឿងមួយទៀតបើសិនជាគេមិនលេងបាល់តាមសម្រួល”៕
