ភាពរំជើបរំជួលនៃការបង្ហាញខ្លួនរបស់ Lionel Messi បានឡើងដល់កម្ពស់ថ្មីនៅសហរដ្ឋអាមេរិក ខណៈដែល Messi បានចុះចតក្នុងទីក្រុង Miami មុនការធ្វើបទបង្ហាញជាផ្លូវការចុងសប្តាហ៍នេះ។
ក្លឹបរបស់គាត់បានណែនាំអំពីដំណឹងដ៏គួរឱ្យរំភើបមួយចំនួននៅក្នុងការបង្ហាញរបស់ស្តេចបាល់ទាត់នៅថ្ងៃអាទិត្យនេះ ហើយប្រសិនបើពាក្យចចាមអារ៉ាមនេះបង្ហាញថាជាការពិត វាអាចជាក្រុមដែលសក្តិសមសម្រាប់ពិធីបុណ្យតន្ត្រីណាមួយនៅរដូវក្តៅនេះ។ Shakira ដែលធ្លាប់ស្គាល់ Messi តាំងពីសម័យគាត់នៅ Barcelona ត្រូវបានគេស្នើឱ្យសម្តែងជាមួយតារារ៉េបសញ្ជាតិព័រតូរីកូ Bad Bunny និងតារាចម្រៀងក៏ដូចជាអ្នកសរសេរចម្រៀងកូឡុំប៊ី Maluma ផងដែរ។
អាមេរិកគ្រោងនឹងធ្វើការស្វាគមន៍កីឡាករដ៏អស្ចារ្យបំផុតក្នុងពិភពលោក Lionel Messi នៅចុងសប្តាហ៍នេះ។ អ្នកគាំទ្របាននឹងកំពុងសម្រុកទិញសំបុត្រសម្រាប់ការប្រកួតណាមួយដែលទំនងជាមាន Messi ខណៈដែលផ្ទាំងគំនូរដ៏ធំ និងប៊ឺហ្គឺថ្មីនៅលើមុខម្ហូបរបស់ Hard Rock Cafe ដែលមាន Messi ជាទូតសុឆន្ទះក៏ត្រូវបានដាក់លក់ជាសាធារណះក្នុងសប្តាហ៍នេះ៕
