អតីតអ្នកចាំទីជម្រើសជាតិហូឡង់មួយរូប ត្រូវនាំចូលមន្ទីរពេទ្យភ្លាមក្រោយហូរឈាមក្នុងខួរក្បាល

អតីតតារារបស់ក្លឹប Manchester United និង Ajax លោក Edwin van der Sar ត្រូវបានបញ្ជូនទៅកាន់មន្ទីរពេទ្យភ្លាមៗ បន្ទាប់ពីទទួលរងនូវជំងឺដាច់សរសៃឈាមខួរក្បាល។

អ្នកចាំទីជើងចាស់បានរងរបួសការដាច់សរសៃឈាមខួរក្បាលពេលកំពុងសម្រាកនៅកោះមួយនៃប្រទេសក្រូអាត ហើយត្រូវបញ្ជូនទៅកាន់មន្ទីរពេទ្យដោយឧទ្ធម្ភាគចក្រ។ Van der Sar ត្រូវ​បាន​គេ​បញ្ជូន​ទៅ​មើល​ថែទាំ​យ៉ាង​យក​ចិត្ត​ទុក​ដាក់​នៅ​រសៀល​ថ្ងៃ​សុក្រ។

Ajax បានបង្ហោះសារគាំទ្រអតីត CEO របស់ពួកគេនៅលើ Twitter ដែលសរសេរថា “កាលពីថ្ងៃសុក្រ Edwin van der Sar មានការហូរឈាមជុំវិញខួរក្បាលរបស់គាត់។ បច្ចុប្បន្ន​គាត់​កំពុង​សម្រាក​ព្យាបាល​នៅ​មន្ទីរពេទ្យ​ក្នុង​បន្ទប់​សង្គ្រោះ​បន្ទាន់ ហើយ​ស្ថិត​ក្នុង​ស្ថានភាព​អាចគ្រប់គ្រងបាន។ នៅពេលដែលមានព័ត៌មានជាក់ស្តែងបន្ថែមទៀត ការធ្វើបច្ចុប្បន្នភាពនឹងកើតឡើង។ គ្រប់គ្នានៅ Ajax សូមជូនពរ Edwin ឆាប់ជាសះស្បើយ។ យើងកំពុងគិតពីអ្នកជានិច្ច”៕