កាលបរិច្ឆេទនៃការកាត់ទោសនូវរឿងក្តីនាទីក្រុង Mykonos របស់ខ្សែការពារ Harry Maguire ត្រូវបានកំណត់រយៈពេល 3 ឆ្នាំក្រោយរឿងរ៉ាវបានកើតឡើង ដំណាលគ្នាជាមួយការកាត់ទោសស៊ីសំណូករបស់ខ្សែការពារ Manchester United នៅក្នុងប្រទេសក្រិកផងដែរ។ រឿងក្តីរបស់ Maguire ត្រូវបានកំណត់សម្រាប់ថ្ងៃទី 7 ខែកុម្ភៈ នៅប្រទេសក្រិក ដែលនឹងមានរយៈពេល 3 ឆ្នាំកន្លះបន្ទាប់ពីការកាត់ទោសដំបូងរបស់គាត់ពីបទរំលោភបំពាន ប្រឆាំងនឹងការចាប់ខ្លួន និងការប៉ុនប៉ងសូកប៉ាន់សមត្ថកិច្ចប្រទេសក្រិក។
ខ្សែការពារ Manchester United ត្រូវបានចាប់ខ្លួនពេលកំពុងសម្រាកលំហែកាយជាលក្ខណៈគ្រួសារនៅ Mykonos ក្នុងខែសីហា ឆ្នាំ 2020 ដែលតុលាការនៅទីក្រុង Syros បានកាត់ទោសគាត់ឱ្យជាប់គុករយៈពេល 21 ខែ និង 10 ថ្ងៃ ប៉ុន្តែរូបគេមានសិទ្ធនៅក្រៅឃុំរហូតរឿងរ៉ាវត្រូវបានសម្រេចជាស្ថាពរ។ ទោះជាយ៉ាងណាក៏ដោយ កីឡាករសញ្ជាតិអង់គ្លេសបានប្តឹងឧទ្ធរណ៍ទល់នឹងការសម្រេចចិត្តនេះ ហើយការផ្តន្ទាទោសត្រូវបានលុបចោលដែលមានន័យថា ការជំនុំជម្រះក្តីនឹងត្រូវបានបើកសវនាការដោយស្វ័យប្រវត្តិនៅតុលាការកំពូល។ ការចូលបំភ្លឺឡើងវិញត្រូវបានពន្យារពេលជាលើកដំបូងដោយសារតែជំងឺរាតត្បាតជម្ងឺកូវីដ-19 មុនពេលត្រូវបានកំណត់ឡើងវិញសម្រាប់ខែមិថុនាឆ្នាំ 2023 ប៉ុន្តែក្រុមអ្នកច្បាប់តំណាងរបស់ Maguire ត្រូវបានគេរាយការណ៍ថាបានស្នើសុំឱ្យផ្លាស់ប្តូរពេលវេលា ហើយករណីនេះនឹងត្រូវបានដោះស្រាយនៅឆ្នាំក្រោយ៕
