គ្រូបង្វឹកបណ្តោះអាសន្នរបស់ក្រុមមាន់ខ្នាយមាស Tottenham Hotspur លោក Ryan Mason បានច្រានចោលការអះអាងជុំវិញប្រធានក្រុម Harry Kane បន្ទាប់ពីការបរាជ័យរបស់ Tottenham ក្រោមថ្វីជើងក្រុម Brentford ស្របពេលដែលពាក្យចចាមអារ៉ាមនៃការចាកចេញរបស់ Kane នៅចុងរដូវកាលនេះកាន់តែឆាបឆួលខ្លាំងឡើង។
ទោះបីជាបានស៊ុតបញ្ចូលទីមួយក្នុងចំណោមគ្រាប់បាល់ដ៏ល្អបំផុតរបស់គាត់ក្នុងរដូវកាលនេះក៏ដោយ Kane មិនអាចជួយ Tottenham ដើម្បីផ្តួល Brentford ក្នុងការប្រកួតក្នុងដីចុងក្រោយរបស់ពួកគេនៃរដូវកាលនេះបាននោះទេ។ ខ្សែប្រយុទ្ធត្រូវបានគេមើលឃើញថាទទួលបានដើរទះដៃទៅកាន់អ្នកគាំទ្រក្រោយចប់ការប្រកួត ខណៈពាក្យចចាមអារ៉ាមអំពីការចាកចេញដ៏មានសក្តានុពលរបស់គេបានរីកសាយភាយ ប៉ុន្តែគ្រូបង្វឹកបណ្ដោះអាសន្នរបស់ Spurs បានច្រានចោលការអះអាងថា វាគ្រាន់តែការសញ្ញាណនៃការអរគុណទៅកាន់អ្នកគាំទ្រ Spurs តែប៉ុណ្ណោះ។
Ryan Mason បានឆ្លើយតបទៅវិញដោយលើកឡើងថា “ខ្ញុំចាំថាបានអង្គុយនៅទីនេះកាលពី 2 ឆ្នាំមុន ហើយអ្នកទាំងអស់គ្នាបានជឿជាក់ថាគាត់នឹងចាកចេញដោយនិយាយដូចពេលនេះអញ្ចឹង។ វាជាការប្រកួតក្នុងផ្ទះចុងក្រោយនៃរដូវកាលនេះ ដូច្នេះគាត់ចង់បង្ហាញការដឹងគុណរបស់គាត់ចំពោះការគាំទ្រដែលគាត់បានទទួល ហើយយើងទាំងអស់គ្នាបានទទួលរឿងនេះគ្រប់រដូវកាលទេ”៕
