Kyle Walker បានសារភាពថាគាត់បានធ្វើការវាយតម្លៃរបស់គាត់ចំពោះ Erling Haaland ខុស ស្របពេលដែលកីឡាករសញ្ជាតិន័រវេររូបនេះរកបាន 50 គ្រាប់សម្រាប់ Manchester City ក្នុងរដូវកាលនេះ។
អ្នករាល់គ្នានៅកីឡដ្ឋាន Etihad បានដឹងថាពួកគេកំពុងទទួលបានទេពកោសល្យពិសេសនៅពេលដែលកិច្ចព្រមព្រៀងផ្ទេរ 51 លានផោន ជាមួយ Borussia Dortmund នៅរដូវក្តៅឆ្នាំ 2022។ Haaland មានលើសពីការរំពឹងទុកក្នុងអំឡុងពេលយុទ្ធនាការដំបូងរបស់គាត់នៅក្នុងប្រទេសអង់គ្លេស ដោយរកបាន 50 គ្រាប់ក្នុងនាមជាកីឡាកររបស់ Man City រួមទាំង 34 គ្រាប់នៅក្នុង Premier League ដែលបានតាមស្មើនឹងកំណត់ត្រាធំមួយដែលកាន់កាប់ដោយ Alan Shearer និង Andy Cole។
ខ្សែការពារ Walker របស់ City បាននិយាយអំពីរបៀបដែលការខិតខំប្រឹងប្រែងរបស់ Haaland បានប្រៀបធៀបទៅនឹងអ្វីដែលគេរំពឹងទុកនៅពេលគាត់មកដល់ “ខ្ញុំអាចមើលឃើញគុណភាពរបស់គាត់នៅពេលដែលយើងលេងជាមួយគាត់ក្នុង Champions League ប៉ុន្តែ តើខ្ញុំមានអារម្មណ៍ថាគាត់អាចកាចសាហាវដល់ថ្នាក់នេះដែរទេ? ជាការពិតណាស់មិនមែនទេ។ ការមកលេងក្នុងលីកថ្មីនិងក្រុមថ្មី វាតែងតែមានការលំបាក។ នោះបង្ហាញពីកម្រិតនៃភាពជាកីឡាករ ក៏ដូចជាភាពចាស់ទុំរបស់គេនៅអាយុ 22 ឆ្នាំ។ អ្វីដែលគេបានផ្តល់ឲ្យ Man City គឺពិតជាច្រើនលើសលប់ណាស់”៕
ប្រភព : Sky Sports
