លោក Roy Hodgson អ្នកចាត់ការទូទៅរបស់ក្លឹប Crystal Palace ត្រូវបានបញ្ជូនទៅកាន់មន្ទីរពេទ្យកាលពីថ្ងៃព្រហស្បតិ៍ បន្ទាប់ពីមានការណែនាំពីបុគ្គលិកពេទ្យរបស់ក្លឹប។
ក្រុមនៅ Premier League មួយនេះបានលុបចោលសន្និសីទសារព័ត៌មានកាលពីថ្ងៃព្រហស្បតិ៍ ខណៈដែលអ្នកចាត់ការទូទៅបានធ្លាក់ខ្លួនឈឺអំឡុងពេលហ្វឹកហាត់កាលពីព្រឹកមិញ។ កាសែត The Telegraph រាយការណ៍ថា គ្រូបង្វឹកអាយុ 76 ឆ្នាំរូបនេះបានជាសះស្បើយឡើងវិញហើយ ហើយកំពុងដើរដោយគ្មានជំនួយ ហើយនិយាយជាមួយក្រុមគ្រូពេទ្យ ប៉ុន្តែគាត់នឹងឆ្លងកាត់ការធ្វើតេស្តបន្ថែមទៀត។ ទោះជាយ៉ាងណាក៏ដោយ គាត់នឹងមិនមានវត្តមានសម្រាប់ការប្រកួតនៅថ្ងៃច័ន្ទជាមួយ Everton ខណៈដែលជំនួយការលោក Paddy McCarthy និង Ray Lewington ទំនងជានឹងដឹកនាំក្រុមជំនួសវិញ។
Crystal Palace ត្រូវបានគេនិយាយថាកំពុងពិចារណាធ្វើការផ្លាស់ប្តូរចំពេលលទ្ធផលដ៏ខកចិត្តរបស់ពួកគេនៅរដូវកាល 2023-2024 ។ ក្លឹបមួយនេះឈរនៅលេខរៀងទី 15 ក្នុងតារាងលីគកំពូលអង់គ្លេស ហើយមានប្រាំពិន្ទុដាច់ពីតំបន់កាត់ចោល។ ក្លឹបត្រូវបានគេនិយាយថាកំពុងពិចារណាជួលអតីតគ្រូបង្វឹក Eintracht Frankfurt លោក Oliver Glasner ជាអ្នកជំនួសតំណែងលោក Hodgson នៅប៉ុន្មានសប្តាហ៍ខាងមុខ៕
